Foydalanish qo‘llanmasi
-
1
Ro‘yxatdan o‘ting
Saytda email, telefon va kuchli parol bilan hisob oching. Kirgandan so‘ng «Xavfsizlik» bo‘limida 2FA (Google Authenticator) ni yoqing.
-
2
Tarifni to‘lang
«Obuna va to‘lov» bo‘limida tarifni tanlang, ko‘rsatilgan Click kartaga summani o‘tkazing, tranzaksiya raqami va chek rasmini yuboring. Admin tekshirgach obuna faollashadi.
-
3
Ilovani o‘rnating
«Qurilmalar» bo‘limidan APK faylni Android telefoningizga yuklab o‘rnating (Android 7+). Telefon sozlamalarida noma’lum manbalardan o‘rnatishga ruxsat bering.
-
4
Telefonni ulang
Panelda «Ulash kodini olish» tugmasini bosing. Ilovada QR kodni skanerlang yoki server manzili va 8 belgili kodni kiriting. Kod 15 daqiqa amal qiladi va bir marta ishlaydi.
-
5
Raqamni tasdiqlang
Ilova SMS yuborish/qabul qilish ruxsatini so‘raydi. Raqamingizni kiriting — unga tasdiqlash kodi SMS keladi, ilova uni avtomatik o‘qiydi (yoki qo‘lda kiriting). Shundan so‘ng qurilma «Faol» bo‘ladi.
-
6
SMS yuboring
«Mijozlar» bo‘limiga mijozlarni qo‘shing (yoki CSV’dan import qiling), guruhlarga ajrating. «SMS yuborish» orqali darhol, belgilangan vaqtda yoki takroriy yuboring. «Avtomatika» bo‘limida tug‘ilgan kun va to‘lov eslatmalarini sozlang.
-
7
API’ni ulang (ixtiyoriy)
«API kalitlar» bo‘limida token yarating (IP cheklov bilan) va «API yo‘riqnoma» dagi misollar asosida saytingiz yoki CRM’dan SMS yuboring. Holatlarni webhook orqali qabul qiling.
Telefon to‘g‘ri ishlashi uchun
- Telefon doim internetga (Wi-Fi yoki mobil) ulangan va iloji bo‘lsa quvvatlagichda bo‘lsin.
- Sozlamalar → Batareya → ilova uchun «Cheklovsiz / optimallashtirmaslik» ni tanlang (Xiaomi, Samsung, Huawei’da muhim). Aks holda tizim ilovani to‘xtatib qo‘yadi.
- Xiaomi (MIUI): «Avtomatik ishga tushirish» ni yoqing va ilovani so‘nggi ilovalar ro‘yxatida qulflang.
- Ilova bildirishnomada «Shlyuz ishlamoqda» deb ko‘rsatib turadi — uni yopmang.
- Operator spam deb bloklamasligi uchun kunlik limitni 200–500 atrofida va SMS orasidagi pauzani 5+ soniya qilib qo‘ying.
- SMS narxi — sizning SIM kartangiz tarifiga ko‘ra operator tomonidan yechiladi.
Xavfsizlik
- Parollar bcrypt bilan, API va qurilma tokenlari SHA-256 hash ko‘rinishida saqlanadi — hatto biz ham ularni ko‘ra olmaymiz.
- SMS matnlari bazada shifrlangan (AES-256) holda saqlanadi.
- Barcha muhim amallar (kirish, token yaratish, qurilma ulash, to‘lov) audit jurnaliga yoziladi — «Xavfsizlik» bo‘limida ko‘rishingiz mumkin.
- Telefon yo‘qolsa — darhol panelda «Qurilmani uzish» ni bosing, uning tokeni bekor bo‘ladi.
- Faqat roziligi bor mijozlarga xabar yuboring. Spam tarqatgan hisoblar bloklanadi.